13 мая, 2023 - CX

Müştəri loyallığının artırılması

Yaddaşda qalmaq İnsanlar hər zaman həyatlarında baş verən önəmli – yəni, emossional cəhətdən yüksək təsir gücünə malik hadisələri xatırlayırlar. Siz kiçik təcrübə keçirsəz və insanlara sual versəniz ki, “Mən heç vaxt … unutmayacam” cümləsində boşluq hissəsini doldursun, o zaman nəticə aşağıdakı kimi hadisələr olacaq: Övladımın dünyaya gəldiyi gün X ərazini səyahət etməyim Evləndiyim gün Oğurluq və ya qəza hadisələri Hərbi xidmətdə baş verə hadisələr X konsertdə getdiyim gün və s. Yaddaş necə işləyir? Cognitive psixoloq Professor Elizabeth Loftusa görə yaddaş constructive və reconstructivedir. Onun sözlərinə görə insan yaddaşı flash card, disklər və cloud-larda saxlanan məlumatlar toplusu kimi düşünülməməlidir. Əksinə yaddaş Wikipedia səhifələri kimi çalşır. Oradakı informasiya istənilən şəxs tərəfindən dəyişdirilə, yeni informasiya kimi isə yeni səhifəər yaradıla bilər. Daniel Kahnemana görə insanların qərar verməsinə inların yaşadığı keçmiş təcrübə önəmli əsir göstərir. Biz isə bunu keçmiş təcrübəndə olan son xatirə kimi qeyd edirik. Yəni keçmiş təcrübədə prosesin sonunda hansı xatirə bizə təsir edirsə onu daha çox xatırlayırıq. Ona görə də müştəri loyallaığını artırmaq üçün son xatirələrə önəm verməliyik. Yaddaşın növləri Bilindiyi kimi yaddaşın qısamüddətli və uzunmüddətli növləri mövcuddur. Biz istədiyimiz informasiyanı və istəmədiyimiz informasiyanı qısamüddətli yaddaşdan uzunmüddətli yaddaşa keçirə bilərik. Həmçinin insanların qısamüddətli və uzunmüddətli yaddaşlarına təsir edə bilərik. Həmçinin uzunmüddətli yaddaşın iki növü mövcuddur: açıq və gizli uzunmüddətli yaddaş. Açıq uzunmüddətli yaddaş şüurlu xatırlama tələb edən yaddaşdır. Gizli uzunmüddətli yaddaş isə şüurlu xatırlama tələb etmir. Sonuncuya nümunə olaraq avtomobil idarə edərkən bəzən evə necə getdiyimiz xatırlamırıq, hansı ki rutin prosesdir. Bu təcrübə göstərir ki, insanların Gizli uzunmüddətli yaddaşlarında yer tapdıqda biznes daha uğurlu nəticə əldə edə bilər. Təbi ki, informasiya pozitiv olduqda. Yaddaşın manipulyasiyası – Loyallığın artırılması Daniel Kahneman deyir ki, biz təcrübəni deyil, təcrübənin hekayələrini xatırlayırıq. Buna əlavə etsək ki, beyin multisensory hekayələri sevir bizim üçün aydın olacaq ki, hansı elementlərə fokslanmalıyıq. Ümumi olaraq yaddaşımızda dəyişikliklər, xüsusi anlar və sonluqlar qalır. Bu elementlər müştərinin bizneslə hər təmas nöqtəsində mövcuddur. Loyallığı necə artıraq İnsanların davranışında multisensory poztiv hadisələr yaşadaraq onların yaddaşında qala bilərik. Multisensory dedikdə görünüş, səs, toxunma hissi, dad və qoxu anlayışları nəzərdə tutulur. Bunlara da emosional hisləri də əlavə etmək olar. Həmçinin nəzərə almalıyıq ki, bu pozitiv effektləri müştəridə yaşatmaq üçün xüsusi şərtləri də bilməliyik. Bu şərtlər aşağıdakılardır: – Zaman. Hər gün işə müəyyən vaxtlarda gedib və qayıdılır. Avtomobilin sığortası bəlli qrafiklə yenilənir. Bu kimi çox sayda sabit zamanlı hadisələri nəzərə ala bilərik. – Məkan. Müxtəlif məkanlar insanlarda fərqli emosiyalar və ehtiyaclar yaradır. Bunun ən sadə nümunəsi insanlar onlar üçün yeni olan şəhər və ölkələrdə olduqda Hotel axtarışına çıxırlar. Ticarət mərkəzlərində olan spesifik qoxular aclıq hissi yaradır. – İnsanlar. Fərqli xarakterə malik insanlar bizdə fərqli hərəkətlərə səbəb olur. Buna ən sadə nümunə evə qonaq gəldikə onlara fərqli qəlyənaltı və yeməklərin təklif olunmasıdır. – Toxunma hissi. Hər birimiz geyim seçimi edərkən ona baxmaqla yanaşı toxunuruq. Bu hərkət hətta görmə hissinən daha güclü təsirə malikdir və insanlarda qərar vermə prosesinə daha çox təsir edir. – Hadisələr. Diş həkimi növbəsində gözləyərkən, masadakı jurnallara baxmağımız. Səyahətdə olarkən çəkilən fotolar buna nümunədir. Yuxarıda adı çəkilən şərtlər doğru istifadə olunduqda müştərilərin şirkətə və ya brendə olan loyallığının artırılması üçün istifadə olunur. Hətta qeyd etmək olar ki, bu şərtlər yeni müştərilərin cəlbində də çox faydalıdır.

23 апреля, 2023 - CX

WOW effekt – Müştəri təcrübəsi

WOW effekt nədir ? Daha öncki bloqda da göstərildiyi kimi WOW effek bu formula ilə çalışır: Wow = Expectation + 1 Formuladan da göründüyü kimi, öncə müştərinin standart gözləntisini qarşılamaq lazımdır və üzərinə əlavə edilməlidir. Bu əlavələr fərqli xüsusiyyətə malik ola bilər. WOW effekt yaratmaq üçün müxtəlif yanaşmalar mövcuddur. Gəlin onlar ilə tanış olaq. Qeyd etmək lazımdır ki, bu yanaşmalar Chris Daffynin Creating Customer Loyalty: Build Lasting Loyalty Using Customer Experience Management – 2019 kitabından götürülmüşdür. WOW effekt yaradan faktorlar Standart faktorlar: Bunlar məhsulun çatdırılma müddəti, məhsul qiyməti, qəbul edilən keyfiyyət və etibarlılıq kimi aşkar faktorlardır. Buna görə də onları standart faktorlar adlandırırıq. Onları aşkar etmək çox asandır və tətbiq etsəniz müştərilərin sizdən danşıacaqları səbəblərə çevriləcəklər. Müştərilərin sizdən nəyi qiymətləndirdiyini və gözlədiklərini araşdırsanız, onlar aşağıdakılardan ibarət olacaqdır, hansı ki sizə monitorinqdə də kömək olacaqdır: Müştərilərlə məhsul və ya xidmətləriniz haqqında nə düşündüklərini soruşun. Müştərilərinizin istədiklərini edirsizmi və sizi rəqiblərinizlə necə müqayisə edirlər? Çatdırılma performansını izləyin. Sifarişlər müştərilərə istədikləri kimi və istədikləri vaxt gəlirmi? Xidmətlərinizin müştərilərə istədikləri zaman və istədikləri yerdə əlçatan olub olmadığını yoxlayın. Müştərilərin sizə ehtiyacı olduqda hər zaman təklif edən tərəf kimi hazırsınızmı? Məhsullarınızın və ya xidmətlərinizin etibarlılığının monitorinqi aparın. Müştərilərin gözlədiyi kimi məhsullar işlək vəziyyətdə qalırmı və tam performans göstərirlərmi? Rəqiblərinizlə müqayisədə müştərilərin qiymtə baxımından yaxşı qiymət hesab etdiklərini təklif etdiyinizə əmin olun. Müştərilər sizin məhsul və ya xidmətlərinizi rəqiblərinizdən əldə etdiklərində necə qiymətləndirirlər? Hiss faktorları: Görmə, səs, qoxu, dad və toxunma hissi. Bunlar tez-tez göz ardı edilir və ya nəzərə alınmır. Lakin böyük təsir gücünə malikdirlər. Görünüş: Əgər səhər tezdən pərakəndə satış yerlərində olsanız, ağıllı pərakəndə satıcıların öz binalarından kənarda səkiləri yuduğunu görə bilərsiniz. Onlar açıq şəkildə səki örtüyünün necə göründüyünə əhəmiyyət verirlər və bunun onların işlərinə əks olunduğunu bilirlər. Lakin bəziləri müştərilərin binaya daxil olmaq barədə iki dəfə düşünməyə vadar edəcək şeyləri görməsi ilə maraqlanmırlar. Bəziləri hətta müştəriləri qovmaq üçün nəzərdə tutulmuş pəncərələrinə işarələr istifadə edirlər. Müştərilərin mağazaya girərkən bütün mağazanı görmələri üçün başın hündürlüyündə çox az sayda displey saxlamağa çalışın. Səs: Avtomobil istehsalçıları açarların fırlanması, mühərrikin işə salınma səsi və qapının bağlanmasının tıqqıltısı kimi şeylərin səsini düzgün əldə etmək üçün çox vaxt və resurs sərf edirlər. (Maserati hətta öz veb-saytlarında müxtəlif mühərriklərinin işə salınması səs yazılarına malikdir.) Bir çox geyim pərakəndə satıcıları xidmət göstərdikləri müştəri tipinin görüntüsünü yaratmaq üçün mağazada musiqidən istifadə edirlər. Superdry və Selfridges kimi gənc müştəriləri cəlb etmək istəyən bir çox geyim mağazası buna misaldır. Univermaqlar kimi digər pərakəndə satıcılar müştəriləri alış əhval-ruhiyyəsinə salmaq üçün musiqidən istifadə edirlər. Barista tərəfindən qəhvənin hazırlanması və südün köpükləndirilməsi səsi kafelərdəki sakitləşdirici səslərdən biridir. Qoxu: Qoxu hisslərimizin ən həssasıdır. Məsələn, yatırsınızsa və yanğın varsa, sizi oyandıran istilik deyil, qoxudur. Qoxu dad hissi ilə də bağlıdır. Barmağınız və işarət barmağınızla burnunuzu sıxaraq bir şey yeməyə çalışın. Burnunuzu buraxana qədər, demək olar ki, heç bir şeyin dadını hiss etməyəcəksiniz. Hollister, Zara Home, Karen Millen və Lush siz mağazanın qarşısında olmamışdan xeyli əvvəl ticarət mərkəzində olduqlarını bildirmək üçün mağazadan fərqli qoxular istifadə edirlər. Avtomobil istehsalçıları yeni avtomobillərin qoxusunun cəlbedici olmasını təmin etməyə hər zaman böyük büdcələr xərcləyirlər. Supermarketlər indi dükanda bişirirlər kimi yeni bişmiş məhsul qoxusu istifadə edirlər. Potensial alıcılar evinizə baxmağa (müştəri kimi) gələndə hər zaman qəhvə hazırlamağın lazım olduğunu eşitmisiniz. Yeni hazırlanmış qəhvə, öz evində kimi effekt yaradır. Hotellərdə istifadə olunan müxtəlif ətrilərə malik olan şamlar, hətta insanların istifadə etdiyi ətirlər belə müxtəlif emosiyalar oyadır. Dad: Coca-Cola öz məhsulunun dadında dəyişiklik edərək, tanınmış və çox sevilən məhsulun dadını dəyişmək yaxşı fikir deyil təcrübəsi ilə qarşılaşdı. 1985-ci ildə onlar orijinal dadını dəyişərək New Cola adlandırdılar. İctimaiyyətin reaksiyası son dərəcə mənfi oldu və satışlar kəskin şəkildə azaldı. Onlar tez bir zamanda orijinal dadını qaytararaq onu Klassik Kola adlandırdılar. Fərqli insanlar fərqli dadlara üstünlük verirlər. Məsələn, kimsə acı qəhvəni sevir, amma həm də çoxları sevir. Qoxulu pendirləri xoşlaya bilərsiniz, lakin çox adam sevmir. Buna görə də, siz təklif etdiyiniz ilə cəlb etmək və saxlamaq istədiyiniz müştərilərə uyğun olduğundan əmin olmalısınız. Toxunma hissi: İnsanlar tez-tez paltarlara ciddi baxmazdan əvvəl onlara toxunaraq hiss etdiklərini görmüsünüzmü? Bəlkə siz də belə edirsiniz. Çünki biz inanırıq ki, bir şeyə toxunaraq onun keyfiyyəti haqqında məlumat ala bilərik. Bu, açıq-aydın onlayn paltar satıcıları üçün problemdir, çünki siz almadan əvvəl keyfiyyəti hiss edə bilmirsiniz. Avtomobil istehsalçıları bunu başa düşür və istifadə etdikləri bütün materialların avtomobil istifadəçisinə düzgün informasiya çatdırmaq üçün lazım olan səthə sahib olmasını təmin etməyə çalışırlar. Bu, hətta açarların necə kliklədiyini və düymələrin necə döndüyünü hiss etməyə də aiddir. Toxunma hissini biz şirniyyat məhsullarını almamışdan öncə məhsul qablaşdırmasını sıxaraq da yaşayırıq. İncə faktorlar: Nəhayət, incə faktorlar dediyimiz şeylər var. Bunları aşkar etmək çox asan deyil, lakin onlar da müştərilərə şirkət haqqında təəssürat yaradacaqlar. Bunlara aşağıdakılar daxildir: Bir insanın səs tonu. Çox vaxt bir insanın səs tonu istifadə etdiyi sözlərdən daha çox ifadə verir. “Ən çox mənasını çatdıran, dediyin şey deyil, onu demə tərzindir” ifadəsi burada uyğun gəlir. Bu, telefon danışıqlarında xüsusilə vacibdir. Birinin gözünə baxış. Bu, bir insanın bir şey haqqında necə hiss etdiyini göstərə bilən başqa bir qeyri-şifahi faktordur. Bu baxışlar, xoş müştəri və ya qonaq olduğunuzu göstərə bilər. Bədən dili. Bədən dili başqa bir qeyri-verbal ünsiyyət vasitəsidir. Məsələn, “açıq” bədən – ovucları yuxarıya doğru uzatmış qollar – kiminsə isti və qonaqpərvər olduğunu göstərir. Alternativ olaraq, “qapalı” bədən – əlləri sıxılmış yumruq – qorxu və ya təcavüzü göstərir. İşçilərin, binaların, sənədlərin, nəqliyyat vasitələrinin, sərgi materiallarının ümumi təmizliyi, səliqə-sahmanı və görünüşü və s. Zövq faktoru: Zövq faktorunu çox yaxşı ifadə edən sözlərdir. Hansı ki, bu sözlər qərar dəyişməyə çox güclü təsir edir. Dostumuzun, ailə üzvlərinin, satıcının, həm də müştərinin dediyi sözlər çox önəmlidir. Bu sözlərə nümunə olaraq: məhz budur, mənim zöqüm, sənlik deyil, tam sənə uyğun və s. kimi sözlər. Qeyd etmək lazımdır ki, yuxarısa siyahılanan faktorlar tək halda və ya bir neçə faktorlar bir yerdə istifadə oluna bilər. Biz hər gün bu faktorların təsirinə düşürük, qərarımızı dəyişirik, faktorların özləri bizdə WOW effekt yaradır. Unutmaq lazım deyil ki, müştərinin yaddaşında qalmaq üçün təcrübəni mütləq emosional faktorlarla bərkitmək lazımdır. Təbii ki, pozitiv emosional faktorlarla.

22 апреля, 2023 - CX

Customer experience – Müştəri təcrübəsi

Customer experience nədir ? Customer experience (CX) – Müştəri təcrübəsi dedikdə müştərinin şirkətin hər hansı məhsul və ya xidməti, həmçinin şirkət ilə istənilən təmas nöqtsindən (touch point) sonra müştəridə formalaşan emosional yaddaş nəzərdə tutulur. CX idarə etmək üçün müxtəlif üsullar mövcuddur. Bunlara keçməzdən əvvəl bunları bilmək faydalıdır. 1. Müştərinin davranışı 2. Müştəri necə qərar verir 3. Müştərinin təcrübəsinin yaddaşa keçmə mərhələsində hansı effektlər baş verir Müştərinin davranışı – Müştərilər səbirsizdir: Onlar indi və qısa zamanda istəyirlər. – Daha çox məlumatlıdırlar: Hər hansı informasiyanın dəqiqliyini internet üzərindən axtarış edərək qısa zamanda əldə edə bilirlər. – Çox tələbkardırlar: Daha çox əldə etmək istəyirlər, mümkündürsə buna daha az ödəniş edərək əldə etməyi sevirlər. – Şikayət etməyə daha çox meyillidirlər: Hər-hansı problemin baş verməsi ilə onların şikayət etməsi çox qısa zamanda baş verir. İnternetin də gücündən istifadə edərək, səslərinin daha çox insana çatmasına nail olurlar. – Təcrübəyə önəm verirlər: Alış və ya xidməti istifadə edən zaman, onun final nəticəsinə yox, daha çox prosesin özündən zövq almağı sevirlər. – Paylaşırlar: Hər hansı problemi daha çox paylaşırlar nəinki, pozitiv nəticəni. Müştəri necə qərar verir Daniel Kahnemana görə Müştərinin qərarı = Gələcək təcrübə haqqında olan gözləntiləri + keçmiş təcrübə. Bu formulananı belə izah etmək olar. Müştəri və ümumi olaraq insanlar üçün gələcək gözləntiləri hər zaman pozitivdir. Marketingdə isə bunu idarə edən strukturlardan biridir. Əgər marketingi iki cəbhəyə ayırsaq, ön cəbhədə çalışan Marketinq Kommunikasiyaları və PR burada daha çox rol alır. Keçmiş təcrübə isə müştərinin birbaşa məhsul və ya xidmətlə (və ya digər kommunikasiya kanalları və təmas nöqtələri ilə) birbaşa təmasından sonra yaranır. Bu zaman haqlı olaraq sual yaranır, bəs yeni müştərilərdə bu prinsip necə işləyir ?. Bunun sadə izahı vardır. Müştəri özü təcrübə etməyib isə, o zaman digər mənbələrdən dəyərləndirmə reytinqlərinə, dost və tanışlarına müraciət edir. Bir növ olmayan təcrübəni başqa şəxslərin təcrübəsi hesabına məlumatlanmağa çalışır. Qeyd olunanları toplasaq belə nəticəyə gələ bilərik ki, həm gözləntilər, həm də təcrübə zamanı müştərilərin emosiyalarını idarə etmək lazımdır. CX effektlər Wow = Expectation + 1 Standard = Expectation Ouch = Expectation — 1 Recovery = Fix + Wow Yuxarıda qeyd olunan effektlər müştəri və ya şirkətin əlaqədə qurduğu insanlarla təması zamanı yaranan effektlərdir. Qeyd etmək lazımdır ki, heç də hər zaman bu effektlər şirkətin məhsullarını və ya xidmətini əldə edən zaman baş vermir. Şirkətin müştərisi olmasaq belə bu effektlər yaşana bilər. Buna nümunə məlumat almaq üçün zəng, social media hesablarından yazmaq, hətta məhsul əldə etmədən filiala yaxınlaşmaq da aiddir. CX təsir edən faktorlar Standart faktorlar: Əməkdaşların geyimi Məhsulun keyfiyyəti Sifarişin çatıdırlma vaxtı Və s. digər standart gözləntiləri təmin edən faktorlar Hiss faktorları: Səs effektləri və musiqilər Səthin forması, yumşaqlıq və digər toxunma yolu ilə Vizual effektlər, məhsulun və ya xidmətin nəticəsinin görünüşü Ətir və müxtəlif qoxular Məhsulun dadı və dadım testləri yolu ilə ötürülən informasiya İncə faktorlar: Ünsiyyətin tonu Bədən dili Mimikalar və baxışlar Ümumi təmizlik və səliqəlik Zövqləri ifadə edən sözlər: Məhz budur İstədiyim budur Mənim zövüqümə uyğun Tam istədiyim Və s. digər sözlər

14 апреля, 2023 - Digital marketing

Loyallıq dəyərləri (LTV, ACL, CRR)

Lifetime Value (LTV) LTV, müştəri ilə gələcək bütün münasibətlərə aid edilən xalis mənfəətin proqnozunu təyin etməyə imkan verir.. Müştərinin bütün müştəri əlaqələri boyunca biznesin məhsullarına və ya xidmətlərinə xərclədiyi pulun ümumi məbləğini əks etdirir, həmçinin iqtiasadi faktorlar nəzərə alınmaqla gələcək xərcləmələrdən xəbər verir. LTV şirkətlər üçün mühüm ölçüdür, çünki bu, onlara müştərilərin əldə edilməsi və saxlanmasının dəyərini müəyyən etməyə və buna əsaslanaraq biznes qərarları qəbul etməyə kömək edir. Average Customer Lifetime (ACL) Müştəri ömrü kimi də tanınan ACL, müştərinin biznesdən alış-veriş etməyə davam etdiyi orta vaxtdır. Bu, müştəri münasibətlərinin uzunluğunun ölçüsüdür-müştərinin şirkətlə ilk əlaqəsindən son əlaqəsinə qədər keçən müddəti əks etdirir. Hesablanması zamanı hər bir müştərinin son alış-veriş tarixindən ilk alış-veriş tarixini çıxmaq və alınan nəticənin orta rəqəməni tapmaqla təyin olunur. ACL şirkətlər üçün vacib bir metrikdir, çünki o, müştəri münasibətlərinin potensialını müəyyən etməyə kömək edir və müştəri davranışı haqqında məlumat verir. Customer Retention Rate (CRR): Müştəri loyallığı olaraq da bilinən CRR, müəyyən bir müddət ərzində bir şirkətlə əlaqələri davam edən müştərilərin faizini ölçən bir metrikdir. Dövrün sonundakı müştərilərin sayını həmin dövrün əvvəlindəki müştərilərin sayına bölmək və 100-ə vurmaqla hesablanır. CRR müştəri məmnuniyyətini və müştərini əldə saxlama strategiyalarının effektivliyini ölçdüyü üçün şirkətlər üçün vacib bir metrikdir. Nəticə olaraq, LTV, ACL və CRR şirkətlər üçün müştəri münasibətlərini başa düşmək və izləmək üçün əsas ölçülərdir. LTV müştəri münasibətlərinin dəyərinə dair anlayışlar təqdim edir, ACL müştərinin şirkətlə əlaqələrinin zaman uzunluğunu ölçür, CRR zamanla biznesə sadiq qalan müştərilərin faizini ölçür. Bu ölçüləri izləməklə şirkətlər müştərilərin əldə edilməsi və saxlanması ilə bağlı əsaslandırılmış qərarlar qəbul edə, nəticədə gəlirin artmasına və uzunmüddətli uğur əldə edə bilər. Aşağıda LTV, ACL və CRR dəyərlərini necə yüksəltmək olar sualına bəzi cavablar verilmişdir. Customer Experience:: Müsbət müştəri təcrübəsi LTV, ACL və CRR-nin artırılmasında əsas amildir. Şirkətlər mükəmməl müştəri xidməti göstərmək, yüksək keyfiyyətli məhsullar təklif etmək və istifadəçi dostu vebsayt və ya mobil tətbiq yaratmaqla müştəri təcrübəsini təkmilləşdirə bilər. Şirkətlər həmçinin müştərilərdən rəy toplaya və ondan təkmilləşdirmələr etmək və ümumi müştəri təcrübəsini artırmaq üçün istifadə edə bilərlər.

25 марта, 2022 - Digital marketing

Loyallıq marketinqi nə deməkdir?

Loyallıq marketinqi mövcud müştəri bazasının təkrar alış-veriş edərək sadiq müştərilərə çevrilməsi üçün hazırlanmış strategiyadır. Bu anlayış yaranmazdan öncə bizneslərin tək fokus nöqtəsi müştəri bazasını genişləndirmək, yeni müştərilər cəlb etmək idi. Əlbəttə zaman keçdikcə yeni müştəri cəlb etməyin önəmi qədər mövcud müştəriləri əldə saxlamağın önəmi və çətinliyi müəyyən edildi. Loyal müştərilər bizneslərə daha çox gəlir gətirir, bunun sübutunu isə statistika göstərir; müştərinin beşinci alış-veriş məbləği ilk alış-veriş məbləğindən 40% çox olur. Səbəbi isə çox sadədir, müştərilər ilk dəfə alış-veriş etdikləri markalara güvənməkdə çətinlik çəkirlər və daha çox tanıdıqları, əmin olduqları markalara üstünlük verirlər. Aparılan araşdırmalarda müəyyən edilib ki, 18% bizneslər loyallıq marketinqinə fukuslansa da, 44% bizneslər yeni müştəri cəlb etməyə fokuslanır. Loyallıq marketinqinin üstünlükləri Loyallıq marketinqinin ən böyük üstünlüyü toplanan data sayəsində individual müştərilərə fərqli təkliflər edə bilməkdir. Müştərilər arasında keçirilən bir sorğuya əsasən 65% şəxsə özəl təkliflər sayəsində daha çox alış-veriş etməyə motivasiya olduqlarını demişdilər.Digər bir üstünlüyü isə loyal müştərilərin tövsiyyələri ilə gələn müştərilərdir. Üç illiik statistikaya əsasən demək olar ki tövsiyyə ilə gələn yeni müştərilər 75% daha çox xərcləməyə meyilli olurlar. Loyallıq marketinqinin əsas fəlsəfəsi müştərinin təkrar qayıtmasına nail olmaqdır. Elə bu səbəbdən bizneslər cəzbedici təkliflər irəli sürürlər (endirim/hədiyyələr,cashbacklar və s.) və bu təkliflər təkcə loyal müştərilərin yox, həm də yeni müştərilərin marağına səbəb olur. Beləliklə markalar hər iki tip müştərini daha çox xərcləməsi və daha tez sıxlıqda alış-veriş etməsi üçün stimullaşdırır. Loyallıq proqramları nədir? Loyallıq marketinqi markaların və pərakəndə sektorunda olan satıcıların endirim, cashback və yə bonus kimi cəzbedici təkliflərdən istifadə edərək müştəriləri təşviq etməsidir. Bu proqramlar satışın, bununla da gəlirin artırılması üçün ən effektiv taktika hesab olunur. Keçirilən bir sorğuda 84% istehlakçılar loyallıq proqramı olan brendlərə üstünlük verdiklərini, 66% isə alış-veriş edərkən bonus/mükafatların olmasının onların nə qədər xərclədiklərinə təsir etdiyini bildirib. Bizneslər üçün bu təkcə gəlirlərin və müştərilərdə loyallığın artırılmasına xidmət yox, həm də müştəri datasının formalaşmasına və gələcək strategiyaların müəyyən olunmasına dəstək deməkdir. Loyallıq proqramları necə işləyir? Loyallıq proqramına qoşulmaq üçün müştərilər şəxsi informasiyalarını (ad, soyad, doğum tarixi və s.) şirkətlərlə bölüşür və əvəzində üzvlük kartı yaxud müştəri ID’si alırlar. Bu kartlar daha sonra alış-veriş zamanı endirim, bonus yaxud cashback qazanmaq üçün istifadə olunur. Loyaqllıq proqramları müxtəlif bonus/təşviqedici özəlliklərə sahib ola bilər. Məsələn: Yalnız üzv olan müştərilərə özəl endirimlər Pulsuz və sürətli çatdırılma kimi üstün xidmətlər Yeni məhsul və endirimlər haqqında öncədən məlumat Hər alış-verişdə kiçik hədiyyələr Loyallıq proqramlarının növləri Loyallıq proqramları müxtəlif tiplərdə ola bilər. Bonus proqramları – Bonus proqramları ən sıx tətbiq olunan loyallıq proqramlarından biridir. Müştərilərin online yaxud offline alış-verişlərdə əldə etdiyi bonuslar toplanılır və bonus xallar müştərinin seçimi ilə hədiyyə və ya endirim kuponu ilə dəyişdirilir. Dərəcələndirmə proqramları – Müştərilərin etdikləri alış-veriş sayından və xərclədikləri məbləğdən asılı olaraq səviyyələr bölünməsidir. Daha sonra müştərilər səviyyələrdən asılı olaraq endirim, hədiyyə yaxud üstün xidmətlərdən yararlanırlar. Ödənişli proqram/VIP proqramlar – Müştərilər özəl xidmətlərdən, endirimlərdən və ya unikal imkanlardan yararlanmaq üçün VİP üzvlüyə qoşularaq aylıq yaxud illik ödənişlər edirlər. Bəzi variantlarda birdəfəlik ödəniş edilməklə loyallıq proqramlarına qoşulmaq mümkün olur. Dəyər–əsaslı proqramlar – Müştərilərin dəyərlərinə xidmət edən, onların özlərini yox, müxtəlif xeyriyyə və yardım təşkilatlarını mükafatlandıran loyallıq proqramlarıdır. Tərəfdaşlıq proqramları – Strateji tərəfdaşlıq loyallıq proqramlarında müştərilərə iki və daha artıq brenddən fürsətlər təklif etdiyi üçün həm müştərilər, həm də bizneslər üçün çox effektiv olurlar. Hibrid proqramlar – Bu növ loyallıq proqramlarında iki və daha artıq yuxarıda qeyd olunan proqramlar iştirak edir. Nümunə olaraq eyni loyallıq proqramında həm bonus qazana, həm də xərclədiyiniz məbləğdən asılı olaraq müxtəlif dərəcələrə daxil ola bilərsiniz. Məşhur loyallıq proqramlar: Starbucks: Starbucks Rewards Sephora: Beauty Insider Amazon: Amazon Prime Nike: Nike Membership Loblaw Companies: PC Optimum

29 января, 2022 - Digital marketing

Loyallıq sistemi və Rəqəmsal marketinq

Loyallıq nədir? Loyallıq – sadiklik Sadiqlik – möhkəm dostluq və ya kiməsə və ya hər hansı prosesə dəstək olmaq keyfiyyətidir. Loyallıq marketinqi? Loyallıq marketinqi, şirkətin təşviqlər vasitəsilə mövcud müştəri auditoriyasını artırmağa və qoruyub saxlamağa yönəltdiyi strateji idarəetməyə əsaslanan marketinq yanaşmasıdır. Loyallıq sistemlərinin növləri Əməliyyat növünə görə loyallıq sistemlərinin müxtəlif variantları mövcuddur: 1. Bonus sistemlərində: Müştəri alış-veriş zamanı xərclədiği məbləğin dəyərinə, alış-veriş sayına və ya alış-veriş etdiyi məhsulların sayına görə müxtəlif sayda bonus xallar qazanır. Qazanılan bonus xallar növbəti alış-verişlərdə istifadə olunur. 2. Keşbek sistemlərində: Alış-veriş zamanı xərclənən məbləğin bir hissəsi geri qayıdır. Müştərinin motivasiyası ciddi ehtiyac yaranmadıqda xidmət və ya məhsullarından istifadə etdiyi şirkəti dəyişməməsidir. Daha çox alış-veriş, daha çox keşbek balans deməkdir. 3. Üzvlük sistemlərində: Müştərilərin fərqli qiymətli, fərqli səviyyələrdə funksionallıq və icazələrə sahib xidmətləri əldə etmək imkanı mövcuddur. Məsələn: Netflix xidmətindən istifadə etmək üçün, 3 fərqli qiymət sahib üzvlük səviyyələri təklif olunur. 4. İanə sistemlərində: Burada müştəri ilə kommunikasiya fərqli qurula bilər. Müştəriyə alış-veriş məbləğinin bir hissəsinin hər hansı istiqamətdə insanlar, təbiət və s. naminə xərclənəcəyini bildirilə bilər. Həmçinin müştəridən birbaşa ianə etməyi istənilənə bilər. 5. Hədiyyə sistemlərində: Müştəri alış-veri zamanı, növbəti alış-verişlərdə təsadüfi şəkildə və ya məntiqi ardıcıllıq üzrə hədiyyələr qazaılır. Eyni zamanda bu sistem digər loyallıq sistemləri ilə bərabər də istifadə oluna bilir. 6. Növbəti: Yəqin ki, bunu eşitmisiniz , hər növbəti 10-cu sifarişiniz və ya 5-ci gəlişin sizə 1 pulsuz hər hansı qəhvə qazandırır. Başqa bir nümunədə hər növbəti alış-verişiniz sizə endirim qazandıra bilər. Növbəti prinsipi ilə işləyən sistemlərdə məqsəd qısa müddətdə müştərini növbəti alış-verişə cəlb etməkdir. Loyallıq sisteminin faydaları Xoşbəxt müştərilər Balanslı mövsüm Xərclərin azalması Satışın artması Data üzərində işləmək imkanı Fərdiləşmə Seqmentləşmə Brend reputasiyasının artması Rəqiblərdən öndə olmaq Zaman intervalının azalması (alışlar arası) Mobil tətbiq istifadə olunarsa əlavə hansı faydaları olar ? Qarşılıqlı əlavə Yeniliklər haqqında məlumat göndərmək Müştərinin öz hesabı haqqında məlumatlı olması Fərqli metriklərlə datanın əldə olunması Daha geniş seqmentasiyaya əsaslanan foks qruplar yaratmaq Müştəri tərəfindən asan əldə olunur Müşəri rəylərini asan toplamaq imkanı Rəqəmsal marketinqin bir parçası kimi, digər rəqəmsal kanallarala inteqrasiya olunması Community yaratmaq imkanı Loyallıq sistemi rəqəmlərdə Yeni müştərilərə satış etmək ehtimalı: 5-20% Mövcud müştərilərə satış etmək ehtimalı: 60-70 % Loyallıq proqramı olan şirkətlər rəqiblərinə nəzərən daha çox satış edir: 12-18% Mövcud müştərilər tez-tez alış veriş edir, alış-veriş intervalı azalır: 90% Mövcud müştərilər daha çox xərcləyir: 60% Müştərilərin mükaflanmaq istəyi: 75% Fərdiləşdirilmiş təklifləri qəbul etmək istəyi : 87% Yeni müştərilən cəlb olunmasına sərf edilən məbləğ daha çox xərc tələb edir: 5-25 dəfə Mənbələr: GlobeNewswire, Harvard Business Review, Bond Brand Loyalty, Paul W. Farris, Marketing metrics: The Definitive Guide to Measuring Marketing Performance 2nd Edition Loyallıq, hesablama üsulları ARPU (Average revenue per user) AOV (Average Order Value) CRR (customer retention rate) ROI (Return on investment) NPS (Net Promoter Score) Repurchase Ratio CLV (Customer Lifetime Value) CLI (Customer Loyalty Index) Konversiya qıfı və loyallıq

10 января, 2022 - Digital marketing

2022-ci ilin 5 Digital Marketing trendi

1. Meta hər yerdə Hətta Facebook öz adını META olaraq dəyişib. Yadınızdadırsa, Google bir anda 2015-ci ildə Alphabet kimi mövqeləşdi. Önəmli olan seçimdir. İstifadəçilərə genişləndirilmiş və virtual təcrübə təqdim etmək üçün Facebook Metaverse-i işlədir. Bir marketoloq olaraq, biznesinizi bu məkana gətirməyin yollarını axtarmağa başlamalıyıq. Meta for business bizə AR və VR formatlarında reklam etməyə imkan verir. Hələ nisbətən yenidir, lakin bu, 2022-ci ildə izlənililməsi gərəkən yaxşı rəqəmsal marketinq tendensiyalarından biridir. 2. NFT və kontentin müəllif hüququ NFT 2021-ci ildə parlayan texnologiyadır. Brendlər, məşhurlar, kolleksiyaçılar və əlbəttə ki, rəqəmsal sənət yaradıcıları onlara təqdim olunan bütün imkanları dərhal qiymətləndirdilər. Lakin texniki baxımdan onun tətbiqi hələ də kütləvi deyil. NFT-ləri inteqrasiya etmək və istifadə etmək üçün yeni imkanlar yaranacaq. Facebook rəqəmsal identifikasiyalar yaratmaq və Facebook profili ilə virtual reallıq arasında körpü qurmaqla bu texnologiyadan identifikasiya kimi metaversedə istifadə etməyi planlaşdırır. Ancaq böyük dəyişiklik, yalnız sosial media üçün deyil, bütün internet üçün olacaq. NFT bütün yeni kontenti etiketləmək (işarələmək) üçün istifadə edildikdə baş verəcək. Bu, əsasən müəllif hüququ problemini həll edəcək və müəlliflərin çoxdan maraqlı olduqları sosial şəbəkə problemini aradan qaldıracaq. Brendlər üçün həm unikal NFT məhsul və xidmətlərini qorumaq üçün necə lazım olacağı haqqında düşünməlidirlər. 3.Süni intellektin təkamülü davam edir Əminliklə demək olar ki, Süni İntellekt (AI) 2022-ci ildə rəqəmsal marketinqdə böyük rol oynamağa davam edəcək. Məsələn, axtarış və hədəf auditoriya arasındakı əlaqənin son 5 il ərzində necə inkişaf etdiyinə nəzər salın. İstehlakçılar olaraq, axtarışlarımızın əsas hissəsi getdikcə daha səthi (yəni sadə) nəticə isə dəqiq olur. Bu, AI ilə bağlıdır. Rəqəmsal marketoloqlar tez-tez süni intellektin elektron ticarətə və bütövlükdə iqtisadiyyata necə təsir edəcəyi barədə danışırlar. Şirkətlər isə praktiki hərəkət daha yavaş hərəkət edir. AI hal-hazırda aşağıdakılara tətbiq olunmaqdadır: Çatbotlar Fərdiləşdirilmiş veb axtarışı Dinamik qiymət dəyişimi Proqnoz analizi Email marketinqi 4. Mütləq olmalıdır: Omnichannel Marketing Bəli, Omnichannel Marketing-dən istifadə müştərilərinizə təklifləri, bütün kanallarla, cihazlarla, dəstək xidmətləri ilə və platformalara təmin etmək üçün mütləqdir. Bunu real ticarətdə təcrübə edirsiniz, biznes sizə mobil proqramdan istifadə edərək öz mağazasından onlayn sifariş verməyə imkan verir və ya siz zəng edə bilərsiniz. Ən yaxşı tərəfi odur ki, istəsəniz mağazaya baş çəkə bilərsiniz. Əgər şəxsən ziyarət etmək, onlayn sifariş vermək və ya kiminləsə söhbət etmək istəyirsinizsə, biznes bunu həyata keçirməlidir. Beləliklə bu kanalların bir yerdə data toplaması ilə müştərinin istifadə etdiyi kanaldan asılı olmayaraq ona uyğun təklif təqdim edilir. 5.Mobil marketinq mütləqdir Mobil marketinq 2022-ci ildə ən yaxşı rəqəmsal marketinq trendi olmaqda davam edəcək. Bir çox marketoloqlar bu termini mobil proqramlar və responsiv vebsaytlar kimi şərh etsələr də, bu, aysberqin görünən hissəsidir. Güclü mobil marketinq strategiyası push bildirişlərindən tutmuş checkout prosesinə qədər hər şeyi əhatə edir. İstifadəçinin hər bir hərəkəti izlənilib fərdiləşmə ilə ona uyğun təklif təqdim ediləcəkdir. Mobil marketinqin məqsədi itkiləri azaltmaq və əlaqəni saxlamaqdır. Müştəri təcrübəsi çox vaxt ünsiyyət formatından asılıdır. İstehlakçılar vizual stimullaşdırıcı ünsiyyət formalarına üstünlük verirlər.

6 января, 2022 - Digital marketing

Kontent marketinqin faydaları

Kontent marketinq nədir? Kontent marketinqi – brend reputasiyası, məlumatlılıq və auditoriya ilə yaxınlıq yaratmaq məqsədi ilə kontentin yaradılması, dərc edilməsi və paylaşılmasıdır. Kontent marketinqin biznes üçün faydaları nələrdir? 1. Auditoriyanın böyüməsinə xidmət edir Sosial mediada şirkət hesabları auditoriyasının inkişafına kömək edir. Doğru zamanda və doğru kommunikasiya üsulu ilə hazırlanmış kontent auditoriyanın böyüməsinə təsir edir. 2. Brend vəkilləri Siz izləyicilərinizdən brend vəkilləri hazırlaya bilərsiniz. Kontent marketinqi biznesə daha geniş bazarda nə etmək istədiyinə dair təsir və ya etibarlılıq hissi əldə etməyə kömək edən brend vəkilləri formalaşdırır. 3. SEO Kontent marktinqi vasitəsi ilə SEO nəticələrini mükəmməl hala gətirə bilərsiniz. Bu həm də biznesə SERP-də yerini gücləndirmək üçün lazımdır. 4. Lead Kontent marketinq Lead əldə edilməsi üçün önəmlidir. Əldə olunmuş Lead məlumatlar satış edə biləcəyiniz potensial müştərilərdir. 5. Biznesin başa düşülməsi Bu, biznesinizin başa düşülməsini, təklifinizin bazarda nə olduğunu təkmilləşdirməyi və potensial müştərilərlə yaxınlığınızı gücləndirməyi əhatə edir. Həmçinin digital marketinqin əsas elementidir. Qısa müddətdə necə aktual kontent yaratmaq olar? Bunun üçün Aktual kontent (Topical content) növü mövcuddur. Aktual kontent ondan ibarətdir ki, zamanın bir anına bağlıdır və buna görə də qısa aktuallıq müddəti var. Aktual kontent müvafiq, vaxtında və hədəflənmiş məlumatı təmin edən məzmundur. Bu növ kontent idman tədbirləri, hər hansı digər xəbərlər, mövsümi hadisə, tədbir bə ya bayramlar və s. ola bilər. Məsələn: Black Friday endirimləri Uzun müddət işləyən kontent hansıdır? Bu sualın cavabı həmişəyaşıl kontentdədir (Evergreen content). Həmişəyaşıl kontent köhnəlməyən kontentdir. O, cari xəbər dövründən və ya mövsümündən asılı olmayaraq həmişə oxucular üçün aktual olan mövzu ətrafında fırlanır. Həmişəyaşıl mövzuların bəzi nümunələri bunlardır: “Necə arıqlamaq olar” – 2022 və ya 100 il sonra olmasının fərqi yoxdur. İnsanlar həmişə arıqlamaq istəyəcəklər. “Futbol nəticələri”—Futbol matçları hər zaman oynanılır və futbol azarkeşləri həmişə ən son nəticələrlə maraqlanır.

10 октября, 2021 - Digital marketing

Mobil Marketinq

Mobil marketinq – məhsul və xidmətlərin mobil qurğular, smartfon və planşetlər vasitəsi ilə önə çıxarılması həyata keçirən kompleks marketinq prosesidir. Mobil marketinqdə müasir mobil texnologiyalar istifadə olunur. Bu texnologiyalar: istifadəçinin məkanının müəyyən olunması, hansı şəbəkənin istifadə etməsi, kamera və səs məlumatları və s. aid edilir. Yuxarıda qeyd olunan və digər məlumatlar (davranış əsasında toplanan) hesabına mobil marketinqdə istifadəçi üçün fərdiləşdirilmiş təkliflərin hazırlanması həyata keçirilir. Mobil marketinq necə işləyir? Buraya əsasən reklam kampaniyaları haqqında göndərilən SMS, MMS mesajları, mobil tətbiq üzərindən göndərilən push bildirişlər, in-game və ya in-app marketinq, mobil veb sayt bildirişləri, QR kodların skan olunması, wi-fi texnologiyası və müəyyən ərazidə aktiv olan şəbəkə üzərindən göndərilən bildirişlər aid edilir. Mobil marketinq smartfonların və daim internetə qoşulu olmaq ehtiyacının artması ilə hər kateqoriyaya aid olan bizneslərin əvəzolunmaz alətinə çevrilmişdir. Bu bazarın əsas oyunçuları brendlər (öz xidmət və məhsulunu reklam edənlər) və yayımçılardır (reklamların yayım texnologiya və üsullarını təklif edənlər). Burada yayımlanan reklamlar demoqrafik məlumatlardan savayı daha çox istifadəçi davranışlarına əsasən müəyyənləşdirilmiş hədəf kütlə üzrə istiqamətlənir. Mobil marketinqdə istifadə olunan terminlərdən biri “snacking”dir. Bu özündə istifadəçinin anlıq olaraq öz ehtiyacını təmin etmək üçün informasiya mübadiləsini nəzərdə tutur. Bu proseslər marketoloqlar üçün istifadəçi ilə təmas nöqtələrinin çoxluğuna səbəb olur. Mobil marketinqdə istifadəçinin istifadə etdiyi qurğu böyük əhəmiyyət kəsb edir. Qurğunun əsas xüsusiyyətlərindən biri də onun ekran ölçüsü və əməliyyat sistemidir. Android smartfon ilə iOS iPad istifadəçisi eyni kontentə fərqli reaksiya göstərir. Android smartfon istifadəçiləri daha aktual informasiyaya önəm verdiyi halda iPad istifadəçiləri daha çox vizuallarla zəngin və interaktiv kontentlərə önəm verir. Mobil Marketinqin üstünlükləri Mobil marketinq rəqəmsal marketinqin digər hissələrinə nəzərən olduqca asan istifadə oluna bilir. Bunun üçün xüsusi texnologiyaya və biliyə ehtiyac yoxdur, rəqəmsal marketinqin ilkin bilikləri kifayət edir. Təbii ki, dateallı işlər (nümunə: biznes üçün mobil tətbiq hazırlanmasında, istifadəçi davranışlarına əsasən loyallıq səviyyəsinin artırılması və s.) əməliyyatlar üçün kifayət qədər bilikli olmaq lazımdır. Müştəri ilə məkan və zamandan asılı olmadan qarşılıqlı əlaqə yaratmaq mümkündür. Tv və radio kimi ənənəvi marketinq kanalları istifadəçinin məhz qurğu açıq olduğu zaman birtərəfli əlaqə yaratmasını nəzərə alsaq, mobil marketinq bu xüsusiyyəti ilə çox üstündür. Mobil marketinq aşağı büdcə tələb edir. Hətta biznes öz məhsul və xidmətlərini təklif etmək üçün mobil tətbiqi bazara təqdim edirsə, müəyyən müddət sonra push kimi bildirişlərin göndərilməsi xərc tələb etmir. Mobil Marketinqin mənfi tərəfləri İnformasiya təhlükəsizliyi. Mobil tətbiqlər istifadəçilər haqqında məlumatların toplanmasını həyata keçirir. Bu məlumatlar isə biznesə məxsus məlumat bazalarında toplanır. Toplanmış məlumatlar yetərincə qorunmalıdır. Kiber hücumlar zamanı bu məlumatların digər şəxslərə keçməsi və şəxsi məqsədlər üçün istifadə olunması böyük riskdir. İstifadəçinin əlavə xərcinə səbəb ola bilər. Marketoloqlar tərəfindən göndərilmiş video məlumat və digər ağır həcmli informasiya istifadəçinin internet paketinin böyük hissəsinin sərf olunmasına səbəb olur. Digər tərəfdən böyük həcimli mobil tətbiqlər ümumiyyətlə istifadəçi tərəfindən yüklənilməyə bilər. Mobil marketinq planı ideala yaxın olmalıdır. İstifadəçinin diqqətini çəkmək üçün sözün əsl mənasında brendlər bir-biri ilə mübarizə aparır. İdeala yaxın olmayan planla hərəkət edilərsə rəqib tərəfindən edilən təkliflər istifadəçi üçün daha maraqlı ola bilər. Bu isə yekun olaraq istifadəçi itkisinə, itirilmiş istifadəçinin geri qazanılması üçün isə əlavə xərcə səbəb olur.

29 сентября, 2021 - Digital marketing

Metaverse marketinq

Metaverse sürətlə inkişaf etməkdədir. Bu isə marketoloqlar xüsusən də rəqəmsal marketinq mütəxəssisləri üçün geniş imkanlar yaradır. Buradan siz həm metaverse nə olduğunu və rəqəmsal marketoloqlar üçün hansı imkanlar yaratdığını öyrənəcəksiniz. Bəs metaverse özü nədir? Metaverse – bu termin, ümumiyyətlə qəbul edilən bir virtual kainata bağlanan davamlı, paylaşılan, 3 ölçülü virtual məkanlardan ibarət internetin gələcək konsepsiyasını təsvir etmək üçün istifadə olunur. Sadə dillə desək müxtəlif 3D oyunlar, sosial media, VR və AR istifadə olunan platformalar və onların toplu halda bir-biri ilə əlaqənməsindən yaranan virtual dünyanı təsvir edir. Virtual kainat təsəvvür edin ki, siz buraya öz fiziki dünya təcrübənizi gətirərək yeni virtual dünyalar yaradırsınız. 30 il əvvəl internet ictimai istifadə üçün verildi. 20 il əvvəl isə bizneslər interneti marketinq kanalı kimi istifadə etməyə başladılar. Bu proses metaverse özü ilə də baş verəcəkdir. 5G, süni intellekt (AI) və qabaqcıl cloud texnologiyası ilə tezliklə müxtəlif əlaqəli qurğular arasında daha problemsiz və qənaətcil AR VR təcrübəsi təqdim olunacaqdır. Mark Zuckerberg, bu yaxınlarda Facebookun “metaverse” şirkətinə çevrildiyini açıqladı. Apple və ya Google isə metaverse inqilabına rəhbərlik etmək üçün daha uyğundur. Bilirsinizmi? Google Trends nəticələrinə əsasən metaverse sözü mart ayında 100 Mark-a çatıb. Forbes, texnologiya futuristi və metaverse strateq Cathy Hackl tərəfindən yazılan metaverse xəbərlərini bütün guşələrini əhatə edən şəkildə həftəlik yayım edir. Chief Metaverse Officer və digər metaverse başlıqları. “Metaverse” açar sözünü LinkedIn -də axtarın və profilində metaverse istifadə edən 3600-dan artıq nəticə (istifadəçi) görəcəksiniz. Google News-da metaverse sözünü axtarsaz 831000-dən artıq xəbər tapacaqsınız Twitterdə #metaverse hashtagi ilə saatlıq +-1000 tweet yerləşdirilir. Instagram hashtagi ilə 63000-dən artıq post yayımlandığını göstərir. Rəqəmsal marketinq mütəxəssisləri üçün metaverse hansı imkanlar yaradır? Metaverse dünyasında siz oynaya, konsertlərə gedə, yaradıcılıq işi ilə məşğul ola, özünüz üçün yenilikləri kəşf edə, sosial şəbəkələrdəki kimi hərəkətlər edə, hər hansı virtual və fiziki məhsulu əldə edə və s. işlə məşğul ola bilərsiniz. Artıq Gucci, Nike, Disney, Snap və Facebook kimi markalar virtual icmalar, kontent, moda, incəsənət nümunələri və virtual dünyalar yaratmağa başlamışdır. İndi real dünyamızdan çıxıb yeni bir iqtisadiyyata, mühitə, valyutaya və davranışlara sahib olacağımız virtual dünyalara addım ata bilərik. Hal-hazırda rəqəmsal marketinq strategiyasının bir hissəsi olaraq artırılmış reallıq və süni intellekt ətrafında virtual reallığı əhatə edən yeni texnologiyalardan istifadə gündəmin müzakirə mövzusudur. SEO və Metaverse Marketoloqlar üçün Google, YouTube kimi axtarış sistemlərində tapılmaq üçün optimallaşdırmaya keçdikləri kimi, metaversdə necə önə çıxmağı təhlil etməyə başlamağın vaxtı artıq gəlir. Markalar öz təkliflərini izləyicilərinə uyğun bir dünyada, cəmiyyətdə və ya platformada saxlayaraq buna nail ola bilərlər. Burada axtarış sistemlərinin özlərinin də metaverse-də necə çıxış edəcəyindən də çox şey aslıdır. Metaverse-də axtarış sistemləri fərqli alqoritm və interfeysə sahib ola bilərlər. Restoronanınız var? , kiçik biznesiniz və ya pərakəndə mağazanız var? Google’un AR/VR texnologiyaları, lokal bizneslər siyahısında axtarışlar zamanı 3D təcrübələri yaşada bilərsiniz. Bunun üçün artıq uzun zamandır məkanların 360 çəkilişlərini aparır. Google -a görə: ” Artırılmış reallıq rəqəmsal məzmunu və məlumatı fiziki dünyaya yayır – Sanki sizin yanınızdadır” Hal-hazırda biz AR texnologiyası ilə geyimləri və kosmetik vasitələri, evimiz üçün nəzərdə tutduğumuz mebeli və s. əşyaları sınaya bilirik. Bu isə birbaşa virtual dünyalara keçməyimiz üçün zəmin yaradır. Sosial media və Metaverse Daha əvvəl də qeyd edildiyi kimi, Facebook gələcək üçün özünü metaverse şirkəti olaraq görür. Oculus (qurğusu) ilə virtual reallıq platforması Facebook Horizon və yeni qurulan Facebook Metaverse sosial şəbəkəni 2D -dən 3D -yə daşımağa hazır görünür.