HOME - Omnikanal marketinq nədir?
Omnikanal marketinq nədir?
Biznes üçün hər zaman maraqlıdır ki öz müştərisi ilə daim qarşılıqlı əlaqədə olsun. Qarşılıqlı əlaqə isə müxtəlif kanallar vasitəsi ilə həyata keçirlir. Müştərinin istənilən vaxt və istənilən kanal ilə brendlə əlaqə qurması loyallığın artmasına səbəb olur.
Omnichannel (omnikanal) marketinq
Omnikanal kommunikasiya – müştəri ilə tam və ardıcıl ünsiyyətin təmin olunması üçün kommunikasiya kanallarının kompleks halda tətbiq olunmasıdır. Burada mərkəzdə müştəri dayanır, onu isə kommunikasiya kanalları əhatə edir.
Müştəri ilə fərdiləşdirilmiş mesajlarla kommunikasiya qurmaq üçün onun müştəri portreti, onun bütün əlaqə yolu və ardıcıllığı bəlli olmalıdır.
Omnikanal marketinqin məqsədi – sadə və kompfort müştəri təcrübəsinin formalaşması, məkan, zaman və istifadə olunan qurğudan asılı olmayaraq müştəri ilə əlaqənin yaradılmasıdır.
Omnikanal yanaşma özündə fərqli satış kanallarını və rəqəmsal alətləri: email, sosial mediada post, messenger ilə cavab vermə, saytda informasiyanın yerləşdirilməsi, push bildirişlər, telefonla əlaqə və s. birləşdirir.
Müştəri brendlə müxtəlif kanallarla əlaqə yarada, bir kanaldan digər kanala keçid edə bilər. Mağazada – məhsul diqqətini cəlb edər, sayta daxil olub – məhsul haqqında detallı məlumat alar və dəyərləndirmələrə baxar, sosial mediada – sual verər və sifarişi tamamlayar.
Omnikanal marketinq biznesə nə qazandırır?
- Brendlə müştərinin qarışılıqlı əlaqəsini asanlaşdırır və keyfiyyətini artırır.
- Müştərinin davranışlarını analiz etməyə və fərdiləşdirilmiş satış qıfının formalaşdırılmasına kömək edir.
- İstehlakçının geri dönüşünün rahat qəbul edilməsini təmin edir.
- Brendə qarşı loyyalıq səviyəsinin artırılmasına dəstək olur.
- Biznesin inkişafını təmin edir.
Coresight Research araşdırma nəticələrinə əsasən omnikanal marketinq və kommunikasiya CLV dəyərinin artmasını, yeni müştərilərin cəlb olunmasını, səhv və xərclərin azalmasını təmin edir. Araşdırmaların birində isə qeyd olunur ki, omnikanal marketinqin tətbiq olunması 89% müştərilərin əldə saxlanılmasına səbəb olur.
Omnikanal, multichannel (multikanal) və crosschannel (çarpazkanal) marketinqin fərqləri
Marketoloqlar və sahibkarlar çox vaxt omnikanal və multikanal marketinqin xüsusiyyətlərini bir-biri ilə qarışıq salır, çarpazkanal marketinqi isə onların bir xüsusiyyəti kimi başa düşürlər.
Multikanal marketinq – müxtəlif kommunikasiya kanalların istifadə edilməsi ilə müştəri-brend əlaqəsini yaradır. Bu kanallar bir-birindən ayrı şəkildə inkişaf edir. Hər bir kanalın öz inkişaf strategiyası və tapşırıqları olur. Bu kanallardan ümumi statistikanın və informasiyanın toplanması həyata keçirilmir.
Nümunə: Fəridə veb sayta daxil olaraq kurs haqqında məlumat əldə edir, qeydiyyatdan keçərək ilk sınağ kursunun video materialını əldə edir. Fəridə video materiala baxdıqdan sonra qərar verir ki, zəng etsin və kursun başlaması üçün qeydiyyatı tamamlasın. Bu zaman ona cavab verən operatorun Fəridə haqqında qeydiyyat məlumatı olmadığı üçün qeydiyyatı yenidən həyata keçirir və ya məlumatı tapmaqda çətinlik yaşayır.
Multikanal marketinq marketinq strategiyasının birinci mərhələsi hesab olunur. Burada böyük auditoriya əhatə olunsa da hədəf kütlənin potreti bəlli olmur, statistik məlumatların toplanmasında və prosesin sistem halına gətirilməsində problemlər yaşanır.
Çarpazkanal marketinq – burada bir kanal digərinə dəstək olmaq üçün işləyir. Hər bir kanal ümumi məqsədə çatmaq üçün çalışır.
Nümunə: Fəridə onlayn qeydiyyatda tək email qeyd etmişdi. Kursa yazılmaq üçün isə Ad və Soyad, həmçinin mobil nömrəsini qeyd etdi. Nəticədə kurs üçün lazım olan bütün məlumatlar əldə edilmiş oldu.
Çarpazkanal marketinqin əsas xüsusiyyəti müştəri haqqında mümkün qədər məlumatların əldə edilməsidir. Təbii ki, bu bir tərəfdən yaxşı məqamdır ki, müştəri email istifadə etmədikdə mobil nömrə və ya digər üsulla əlaqə saxlamaq olur. Lakin digər tərəfdən isə bir informasiyanın fərqli kanallarla müştəriyə çatmasına səbəb olur. Sonuncu isə müştərini yorur.
| Xarakteristika | Multikanal | Çarpazkanal | Omnikanal |
| Əhatə dairəsi | Geniş | Orta — auditoriya seqmenti formalaşır | Hədəf kütlənin dəqiq təyin olunması |
| Unikallıq | Hər bir kanal ilə müştəri əlaqə yarada bilir. Lakin informasiyalar bir kanaldan digərinə ötürülmür | Kanalların bəzilərinin avtomatlaşdırılmışdır | Vahid imic və bütün kanallar ilə vahid davranış |
| İstifadə rahatlığı | Сложность в использовании сервисов коммуникации, так как их много и в каждом из них нужно совершить несколько действий для получения результата. Kommuniasiya üçün olduqca çətindir. Kommunikasiya alətləri çoxdur və hər biri ilə işləmək lazımdır. | Bir kanaldan digər kanala rahat keçid etmək mümkündür. Lakin informasiyanın bir-birini tamamlamasında problemlər yaşanır. | Asan kommunikasiyanın olması. Müştərinin rahatlığının təmin edilməsi və məlumatların bir-birini asanlıqla tamamlaması. |
| Optimallaşdırma | Kanalların optimallaşdırılmasını mövcud olmaması. Hər biri ayrı ayrıqlıq öz hədəfinə doğru tapşırıqları həll edir. | CRM call center və email məlumatlarını toplaya bilir, lakin sosial media ayrı olaraq fəaliyyət göstərir. Optimallaşdırma qismən həyata keçirlir. | Optimallaşdırmanın hər bir kanal üzrə edilmə imkanı. Ümumi olaraq məlumatların toplanması |